أبيات متواضعه إهداء

الى رجل وقف معي وقفة وفاء وطيب



وهذا غير مستغرب على من هم

أهل للأفعال الطيّبه



إهداء الى .... محمد بن مطر الشلوي

* مع التحيّه



المدح مايستاهله كود وافين      وأنا قسم مأمدح بليّا دلايل



لكن لياجا للمعاني مضامين      أمدح هل الوقفات والشكّ زايل



شبل ٍنخيته مبتلش بين همّين      وسهّل لي الأوضاع جزل الفعايل



قام وتنخـّالي طليق الحجاجين      أنشهد إنـّه عامل ٍ بي جمايل



فيه الشهامه والوفا له عناوين      عزّ الخوي أهديه جزل المثايل



فيه السمات الطيّبه لأهل الدين      جزاه ربي خير واف الخصايل



قايد محنّك في جميع الميادين      إسم ٍ على مسمّى لكسب الفضايل



لاقلت أبو عبد الإلــه آقف شوين      فعلك لوجه الله ماله بدايل



وقفت أخو سلم الشيوخ الحشيمين      دون الخوي مثل السيوف الصقايل



الجود لأهل الجود والموقف الزين      يدفعني أكتب فيه جلّ الجزايل



إنت شلوي وافي ولابتك وافين      عون الصديق وضدّ من كان عايل



أحاول أكتب فيك يالشبل بيتين      ردّ الثنا عادة عيال الحمايل



ساعدتني حالاً ولاقلت بعدين      وخدمت شيباني وهم وسط حايل



واليوم أنابسم زملاي العزيزين    أخوان حنّامن جميع القبايل



متكاتفين وكلنا مستعدّين     أخوان حنّا من جميع القبايل



في محفل التوديع جيناك عجلين    واللّي يسوي طيب يجنا الحصايل



وصفك صعب نحصيه والفعل تدوين    بالعون مثلك في زمنّا قلايل



ياللّي كسبت الناس والموقف اللحين      أصدق مثال نحبّك بشكل هايل



مع أخوياك أوفيت بالطيب واللين     وتساعد المحتاج بكلّ الوسايل



اليوم ودعناك والدمع بالعين      ومعزّتك تسكن جميع الفصايل



مع السلامه ياطليق الحجاجين    يابو الشهامه والوفا والجمايل

جميع الحقوق محفوظة لــ الموقع الرسمي للشاعر / محمد القـنيـًاوي

http://h-adbih.com/sh/