وين إنت ياللّي غبت والله جابك    طوّل غيابك مانويـت الجيّـه

اضيع لامن سلهمـنّ أهدابـك    وسود النواعس مابها ماويّـه

غطىّ عيونك ليلـك المتشابـك    لبّـى قوامـك مالـك الحنيّـه

أدعج غنج في خوخك وعنّابك    وقد ٍ يميـل وميلتـه عفويّـه

مشي القطـاه أوصافهاتنتابـك    فتنه مـن الله دلعنـه نجديّـه

ياقلب مالومك فقدت أعصابـك    الله بـلاك بحـب هالنشميّـه

ماذا دهاك احسن لقاء أحبابـك    لك عام ماشفته وزود شويّـه

قالت تتبسّم خل عنك إسهابـك    قصيدتـك هـذي هديّـه ليّـه

ألم تقـل إنـي أنـا أولابـك    فقلـت مـاذا قلـت ألا هيّـه

إيوالله إنّي يالغـلا أحياااابـك    والقلب مايفقد سـوى غاليّـه

الشوق يذبح صاحبك بغيابـك    ودي بجلساتك معـي يوميّـه

حل الوداع وقالت اخشى عتابك    وأقفت تكفكف دمعتـه بإيديّـه

قلت لها قولي متـى أهنابـك    قالت نجي بالعطلـه الصيفيّـه

جميع الحقوق محفوظة لــ الموقع الرسمي للشاعر / محمد القـنيـًاوي

http://h-adbih.com/sh/