ألايالله طلبتـك يإلـهـي واحــدٍ معـبـود=أبطلب عطفه ولطفه عضيـمٍ عالـيٍ شانـه ألا يامنجيٍ ذالنون يومـه حسبـت المفقـود=ببطن الحوت تسبيحه ويدعي اللّـه سبحانـه ألا ياسامعٍ دبيب نمـلٍ فـي صفـا الجلمـود=ألا ياللّـه تساعدنـا لياجـا النفـس ديّانـه أليامن دنّو الأنعاش جالك يومـك الموعـود=دناموتـك وجسمـك يافتـى لفّـوه بأكفانـه نزلت بمنزلك وحدك وصف الطوب فوق لحود=يخاويك عملك ياللّه عسى الأعمال صلحانـه ألاياللّه تنجينا عذابـك يـوم ناتـي حشـود=بيوم يشيب فيه الطفل لهولٍ شافـت أعيانـه وتجعلنا من أصحاب الجنان وطلحها المنضود=وتحسـن خاتمتنـا يألـهٍ خالـق أكـوانـه يقول اللّي بزينات المثايـل يبـذل المجهـود=إليامنه نوى كتب القصايـد تعـزف ألحانـه تلاعبت بمعانيها كما المسبـاح بيـد العـود=يلّوحبه شمال يمين ونـوب يطشّـه أوزانـه تنقيت الجزل ولا الهـزل ياتيـك بالمنقـود=وأنا من عادتي نفسي على الجزلات ولهانـه أليامني نويت أكتب أسمي والبيـوت تـزود=وأليامني عطيت إيعاز قـف يختـل شيطانـه ولاحسبت للمعنى وأنا لي نهجـي المعهـود=ونهجي واضح ويمناي دايم تعشـق إسمانـه تحياتي إلى كل الحفل تضفي على الموجـود=تحيه حاتميـه فـي بيوتـي أحسـن إتقانـه لفتكم من جبل حاتم شماليه إلى أهـل الجـود=من بيـوت القنيّـاوي سحابـه هـل هتّانـه ألا ياهيه يالطايش علامـك جيتنـي مشـدود=تقول إنتم بدو وأقول عزّي شـوف بدوانـه نعم حنّا بدو حنّـا بـدو دايـم بهـا نـزود=بدو من عهد حاتم لين يومك نجنـي أثمانـه نهلي بمن تنصّانـا ونفـزع دوم للمضهـود=بداوتنـا أصالتنـا بيـوتٍ فـوق عمـدانـه بدو نشفق على الضيفان ونهلّـي بلياحـدود=سلومي حافضه في عهد أبوي وعهد جدّانـه بدو نشفق على فياضٍ خليّه مابها ألا الـذود=بقاعٍ مختلـط عشبـه خزاماهـا وحوذانـه بدو فينا الشجاعه والشهامه والوفاالمشهـود=بدو وعلومنا تحكى مـع الأجيـال بأزمانـه بدو فينا الحميّه كيفنـا بـنٍ يخلطـه عـود=وهيله هندي وزاده أبوشيبـه حـلا ألوانـه بدو والطيب نطلعله ولو الطيب فيـه أسنـود=ولاكن من سعى للطيـب دوم تنولـه أيمانـه بدو كلمة بدو تعني شهامه مع وفـا ممـدود=مع حميّا شجاعه طيب عزّة نفـس عنوانـه بدو نحمل تقاليد وعوايـد كاسبيـن الفـود=بدو ونفوسنا دايم علـى الفزعـات شفقانـه

أدوات القصيدة

النسبة 3.07/5 (69اجمالي)

• 1
• 2
• 3
• 4
• 5