ياهـوه ياعـزّاه لعنبـو مجنـاك=على خفوقي دوم واضـح تجنيّـك دام القنيّاوي مع الوقـت خـاواك=إسمع صدى صوتي حزينٍ يناديك أحن بغيابك وأهوجـس بضلمـاك=ومن قال لك لأبعدت ماني بهاويك من زود شوقي داخل عيوني ألقاك=لوغبت عنّي مسكنك قلب مغليـك أشتاقلك والقلب من جـد يهـواك=لأقفيت أناديلك ولأقبلـت أحييـك ولوطال بعدك صاحبك ماتناسـاك=دامك بنون العين مانـي بناسيـك لوكنت تطعني بسيفـك وشلفـاك=أقول لك عادي فـدوك المماليـك شفت النجوم العاليه هي والأفـلاك=ماهي بحولك يوم بالزيـن أحلّيـك سبحانه المعبود يوم إنـه أعطـاك=سود الجدايل كنها الليـل كاسيـك خدٍ وقدٍ والشفـق فـي شفايـاك=والوسط هافي ياعسى اللّه يخليـك مأنتي متينه حيل ولاتقل مسـواك=متوازنه واللّه من الزين معطيـك ويومي فقدتك في زمن كل أشواك=وقتٍ كشفنا به خفايـا الصعاليـك مأحـدٍ يلـوم المبتعـد لاتمـنـاك=ماهو بحولك كيف ياصل معاليـك يبقى حسابك حافضه ضمن الأملاك=مأنساك وأدعيلك عسى اللّه يهنيك

أدوات القصيدة

النسبة 2.92/5 (76اجمالي)

• 1
• 2
• 3
• 4
• 5