ياليل صاحبك المعنّا عاش وقته فـي عنـاد=وقتٍـي تلاعبّـي ونفسـي دوم زوّد همّهـا أقول عادي ياتلاويع الزمـن مأنتـن جـداد=مبطي أنا بياس وشقى وأحزان ليل أضمّهـا ومادام أناعشت الليالي القاسيه كلّـه جهـاد=حاولت أكافح واقعـي لاشـك ماهـي يمّهـا أصوم عن كتب المعاني وأعلن لقافي حـداد=والمشكله لامن كتبت أخاف أجيـب مطمّهـا جاش الشقى من زود همّه قام يقدحبه زنـاد=قال إكتب الجزلات والهزلات مأنتـه عمّهـا يقول لامن ضقت من همّك ومن ليل وسـواد=ومن دنيتك وأحزان وقتـك لاتكنّـه سمّهـا أقول لكن وين أببديها ولابـه شخـص فـاد=كل ٍ يطالـع فـي معاناتـي وحالـي ذمّهـا ياجاش ماباقي حميّه ولابقى شخص ٍ جـواد=لامن نخيتـه ينتخـي كـلّ الأمانـي يتمّهـا ألاّ قليـل بهالزمـن يمكـن تلاقيبـه سنـاد=نال الشهامه والحميّـه شالهـا مـن كمّهـا لاشك وينه مالقيته لجـل أنـادي بإجتهـاد=وأعطي تفاصيل القضيّه لجل هـو يهتمّهـا ملتاع أنا في دنيتي أوكـي ذا شـي ٍ وكـاد=أصمت معا طول السنين لاشك يبعـد جمّهـا لا ماشكيت من الغزل في حب سوسن أوسعاد=أشكي حياتي والحضوض القاسيه ويل أمّهـا وقت ٍ صعاليكه تعلّـت والطنيخـه مأستفـاد=يالعنبو حيّ الليالـي مأستحـت مـن دمّهـا فيها الحمايل عقب ماكانت على صهيّ الجياد=تمشي بجانب خيلهـا ماعـاد تفتـح فمّهـا ميّت ظماء والماء أشوفه بس مأقوى الإعتماد=بسمة شفاتـي غايبـه والحـزن معهالمّهـا ولي سنبله مع سنبله ودّي بهن قبل الحصاد=لامن دنّا وقت الحصـاد ماعـاد أنامهتمّهـا لاوالمصيبـه مبتعـد عنهاأناذيـك الـبـلاد=حافي قدم وأمشي وأناديهـا وياسـي زمّهـا والحض الأشهب لادعيته قام يـزداد البعـاد=نمّ الأمـل فـي دنيتـي والإبتسامـه نمّهـا ماودّي أخصّ بقصيدي خوف طعنه بالفـؤاد=لأن طعنه مسبقـه تكفـي لحالـي تسمّهـا تعبت أنادي بالحيـاه ولاحيـاة لمـن تنـاد=النفس تسكـت أو تكلّـم عايـدي ماهمّهـا وتعبت أجامل دنيتي ماجات حسب الإعتقـاد=لازلت في دنيـا كئيبـه مضلمـات عتمّهـا موج ٍ تلاطم بالحشى والجاش موجه ماهوهاد=حاول يضمّه شاطي القيفان عجـز يضمّهـا ياسعد من توّه طفل مازال في وسط المهـاد=ماعاش لوعات الليالي ماشكى مـن غمّهـا ملزم حياتي به هموم أعيشها فـي كـلّ واد=ياموت وينك شوفني نفسي لصوبـك خمّهـا أكيد أحسن من حيـاةٍ عشتهـا كلّـه جهـاد=حاولت أكافح واقعـي لاشـك ماهـي يمّهـا

أدوات القصيدة

النسبة 3.03/5 (62اجمالي)

• 1
• 2
• 3
• 4
• 5