بسم الله الرحمن الرحيم أشكر ؟أخوي الغالي أجاء على الموضوع القيّم والجميل والمقدمه الجميله والشكر موصول للأخ العزيز والشاعر القدير شخص يجبر الشخص على إحترامه لحسن خلقه أخوي الغالي محمد النعام ( أيضاً الشكر موصول لأخوي الشاعرسعيدالعمودي) على ترشيحي أعتذر عن تأخري من الجمي من أنت ؟ .. إنسان متواضع وأحب الناس=دايم أعيش بطبعـي الهـادي ولكل القبايل صادق الإحساس=هذي طبوع أبوي وأجـدادي ماذا يعني الشعر بحياتك اليوميه ؟ الشعر أوسّع خاطري فيـه لاضـاق=بينـي وبينـه يالسنافـي صداقـه أحفض جزيل ٍ مسكنه وسط الأعماق=وأقطف ورود الزهر مأحـلا مذاقـه متى تكتب القصيده ؟ لاهاض جاشي صغت من جزل البيوت=قمت أتنقّى ما يشـوق اللّـي قـرى ماله مكـان ولا زمـان ولا وقـوت=تارد ضوامي قلـت للسـاري سـرى مطلع أول قصيده نظمتها ؟ حكاية حب عاشوها ولكن للأسف ماتمّ=فرحهم مأكتمل والكل منهم فارق الثاني فقدها فجأه وخلّت حياته جوّها مضلـم=وهو في حبّها هايم ولو طالنّ الأزماني مطلع قصيده قريبة من قلبك ؟ مع طلوع الشمس ونسناس الشمال=قلبـي المشتـاق حـنّ لديـرتـه مبتعـد وأشوفهـا شبـه المحـال=من يلـوم اللّـي فقـد عشيرتـه ديرتي حايـل بهـا كـلّ الجمـال=السعـاده والفـرح فـي سيرتـه اكتب لنا ببيتين شعر .. عن ماذا يعني لك الآتي : الأم ؟ إنحنائي لها تقدير مـع إحتـرام=دوم أقبل يدينه ولايهون الجبين الشعور يتسامى له بصدق وسلام=طاعة الله دوم بطاعة الوالديـن الوطن ؟ حنّا جنودك ياوطن يوم ناديـت=الشعب لبّـى والشهـاده أمامـه دون الوطن دون الملك قلبنا ميت=موته بعـزّ ولاحيـات الندامـه سهر ؟ أحيان يغريني مع الليـل السهـر=وأستنزف الخفّاق في جزل القصيد وأحيان أقول الله يكافينـا الدهـر=مايستريح اللّي تـرك داره بعيـد الصديقــ ؟ كل شخص ٍ عزيز وكل رجل ٍ نبيـل=توئم الروح سمّيتـه كـذا أو كـذا أحترم كل رجل ٍ دوم علمه جميـل=وأعشق الشعر حيث إنّه لروحي غذا القلم ؟ خوّة عمر بيني وبينه علاقـات=ماهيّ بتوّه من قديم الزمانـي خطيت فيه أجمل وأدقّ العبارات=عزيز له عندي بقلبي مكانـي الحبيبـ / ـه ؟ حبيبتي بيني وبينـه مـودّه=بنت الرجال اللي تفكّ النشايب القمر ؟ يطربني الفنجال في روض ٍٍ خضر=في دلّـة البغـداد وأنـا أحّكـره يعني يمن والهند وإيران وسطـر=وأصبّها يم أبو مشعـل وأشكـره في جال غدران ٍ على ضوّ القمـر=يطرب لها بالي على طول أذكـره مطلع من قصيده ندمت على كتابتها ؟ بالعمر دايم ماتندمت مـن شـي=ألاّ على بعدي عن ديـار حايـل بأسباب بعده هاجسي منكوي كي=ماني بجافي بس مالي وسايـل أرتاح لامنّه زمالي جبـل طـي=دار ٍ عزيزه به نصوغ المثايـل مطلع من قصيده تحت الانشاء ؟ جفني الماخوذ عيّا يغطيـه النعـاس=قمت أسلهم وأنتهى الليل كلّه سلهمه أستفزّ الجاش والجاش يملاه الحماس=والخفوق إحتاج لإنسان دايم يفهمـه

أدوات القصيدة

النسبة 2.65/5 (75اجمالي)

• 1
• 2
• 3
• 4
• 5