هذي بيوتي بعد ماطوّل غيابي=جتني تسابق وله لمواصل أحبابي لو غبت عنكم قسم بالله مأنساكم=وشلون أبنسى هل الناموس وأصحابي ياصاحبي ماعلى الدنيا عتب دايم=أحيان بعض الأماني تتعب أعصابي أفقد لذيذ المنام وبسمة أيامي=الحزن أصبح صديقي يسكن أهدابي أصبحت أعيشه بحاله شبه يوميه=الياس قام وتنخّى والأمل غابي صدمات الأيام ماني سالم ٍمنها=وكم معضله مالقت حلاّل الأنشابي تضيع هقوات شخص ويفتقد حلمه=ويجامل الناس خايف حكي شذّابي تعبت لكن يقولون التعب منسي=أكافح الوقت وأبذل كلّ الأسبابي أحاول أنساك لكن ماني بقاوي=ياحلم من سبتك صاحبك منصابي إنسان متواضع ولي طبعي الهادي=بداخلي ذيب يقنب هيب ماهابي بعض المواقف توضّح شي يانايف=وياقلّ من باللوازم حاز الإعجابي على سبيل المثال أصحابنا واجد= قليل من لانخيته يصبح إيجابي أستثني اللي بذل جهده ومجهوده=هذاك يهدى التحيّه نزه الأشنابي وحنّابوقتٍ كفانا الله تاليّه = الأجودي فيه شايف كلّ الأتعابي زادت مشاكل عباد الله بالدنيا=بعض المجالس يقوده شخص مغتابي وسهم القطاعه تسيّد وإعتلا سوقه =الحسد والخبث أصبح طبع غلاّبي وقت ٍ يعيش المنافق فيه بالقمّه=حتى المهايط وصل لحدود الإسهابي سُحقاً لمن يجمع الأموال بالباطل=ماهو لفعل الجمايل دوم طلاّبي المجتمع فيه دايم صالح وطالح =أدقّ توضيح فيه العالم أحزابي سلام لأهل الوفا والطيب والشيمه=إعداد مالاح مزن وهلّ سكّابي

أدوات القصيدة

النسبة 2.53/5 (47اجمالي)

• 1
• 2
• 3
• 4
• 5