بعد التحيه والأحترام للجميع فمنذو العصر الجاهلي من حق الشاعر أن يمتدح قبيلته بلا نقص للقبائل الأخرى فكل القبايل عزيزه هذه أ بيات إهداء لكم أتمنى أن تنال على إعجابكم سلام لأهل العز شفهـم مجاليـس=نبديبهـا يـم الشيـوخ الجليلـه بعد أذنكم بأشب فيهـا مقابيـس=وأشعل بها الساحه وأزوّد شعيلـه يقول من يكتب بصدق الأحاسيس=دايم بيوتـه لـه معانـي جزيلـه إيه الطنايا لابتـي والسناعيـس=كلّه سـوى لاولعـت فـي فتيلـه كلّه سوى لاولعت نلعـن أبليـس=مادامها وصلـت حـدود القبيلـه يوم أنّهابالفعل والخيـل والعيـس=ويوم أنّها بحد السيوف الصقيلـه خضنا بها نجد وكسبنا النواميـس=لابة وفاء كـل الوفـاء ينتميلـه منّا العدو دايم يشوف المفاليـس=وأليانوانـا قبـل ياصـل نجيلـه واشيب عينه عايشٍ في وساويس=عض البهام ولالـه أيـة وسيلـه لنا الشهامه والوفاء طبع تأسيس=وأفعولنا لاجيـت أعّـده طويلـه لويكتبونه ماحوتهـا القواميـس=هيبه شموخ وعـز مابـه مثيلـه والطيب فينا مكدّس اليوم تكديس=نخوه حميّه مـع علـومٍ فضيلـه نزعه وفزعه يوم حمي المواطيس=واللي نخانا مـن بعيـد نعنيلـه نمشي على شانه بليّـا مقاييـس=نقطـع مسافـاتٍ طويلـه بليلـه حنّا بدو نشفق لشوف المحاميـس=بن اليمن كيف النشامـا وهيلـه بدلال من بغداد وصفـه مقاويـس=بيضٍ مهاديفٍ والأشـدف وكيلـه فنجالها يجلي عماس المعاميـس=سلم الجدود وهي عوايـد أصيلـه حنّا بدو والجيب نعشقه يانعيـس=لاجاك شاص وتـو نـازل مديلـه ألزم حدودك خل عنك الهواجيـس=دولـه نسمـى مانسمـى دويلـه وكل القبايل وافيه يصعب أقيـس=وكلٍ على حقه عضامـه تشيلـه لهم سلامي عد هـب النسانيـس=وأجمل بيوتي جيتكم فـي دليلـه ودام القوافي وسط جاشي محابيس=عفيت عنها لجلكـم بـس ليلـه إيه الطنايا لابتـي والسناعيـس=وفي عقده أهلي وأعتزي بالغفيله

أدوات القصيدة

النسبة 2.88/5 (118اجمالي)

• 1
• 2
• 3
• 4
• 5